İNTERNETLƏ MÜHARİBƏ NECƏ APARILIR ?
 KibermüharibəEstoniya hökuməti Tallində Sovet əsgəri heykəlinə görə baş vermiş iğtişaşlardan üç həftə sonra ölkənin hələ də internet hakerlərinin ağır hücumu altında olduğunu xəbər verir.
Tallin bu işdə Rusiyanı günahlandırır və əslində Moskvanın ona qarşı internet müharibəsinə başladığını iddia edir.
Bəs görəsən bu hücumlar ümumiyətlə necə həyata keçirilir? İnternetdə hücum deyəndə nə nəzərdə tutulur?
Sophos şirkətindən Qrehem Kluli kompyuter təhlükəsilik məslələri üzrə expertdir.
Cavab: Hansısa vebsaytlara daxil olmaq cəhdləri durmadan təkrar olunanda, günahsız internet istifadəçiləri həmin saytlara daxil ola bilmir. Bu, 40 kök adamın kiçik bir liftə minməyə çalışmasına bənzəyir. Yəni, 40 adam kiçik bir liftə girməyə çalışarsa, lift, sadəcə, tərpənməyəcək.
Sual: Bunu hakerlik adlandırmaq olarmı?
Cavab: Əslində, bəli, elə bu da bir növ hakerlikdir, çünki vebsayta giriş olmadığı halda sən təkrar və təkrar oraya daxil olmağa çalışırsan, saytı bir növ bombalayırsan.
Sual: Bu nə dərəcədə qanunidir? İnternet istifadəçiləri belə adamalrı və ya qrupları məhkəməyə verə bilərlərmi?
Cavab: Bəli, olar. Elə bir yarım il bundan əvəl bir qrup rus hakerlərinə qarşı məhkəmə işi qaldırılmış və onlar həbs cəzası almışlar.
Həmin qrup bir kazino vebsaytını şantaj edirdi, vebsyatı sıradan çıxaracağı ilə hədələyirdi.
Onlar, bəlkə də, bu şantajdan milyonlar qazanmış oldular, lakin indi türməyə salınıblar. Siyasi şantaj da edilir.
Məsələn, hind hakerlərinin daim Pakistanın hökumət saytlarına kiber-hücumlar etdiyi bəllidir. Bu heç də o demək deyil ki, bunun arxasında hökumət durur.
Bu, bir qrup və ya bəzən elə bir hakerin işi olur ki, onlar minlərlə kompüterə nəzarət edir. |
