Düzdür onlardan tələdən pendiri çıxarmaq və ya ağırçəkidə pişiklərdən yayınmaq kimi kateqoriyalarda çıxış etmək tələb olunmayacaq.

Sadəcə onlar beynəlxalq səviyyəli idmançıları botulizmdən, adam dilində desək, ərzaqdan zəhərlənmədən qorumaqdır.

undefined undefinedPekin meriyasının səhiyyə xidməti deyir ki, siçanlara süd, spirtli içkilər, salat, düyü və başqa təamlar təqdim olunacaq.

Zəhərin ərzada mövcudluğunu laborator şəraitdə müəyyən etməyə günlər tələb olunur. Siçanda isə reaksiya 17 saat içində baş verir.

Pis gigiyena, ərzaq paylanmasında aşağı standartlar Çində botulizmi adi hala çevirib.

Siçanların işə cəlb olunması çinlilərin Olimpiya oyunlarını yüksək səviyyədə keçirməkdə nə dərəcədə maraqlı olduqlarını göstərir.

Olimpiya kəndinin mətbəxlərində hazırlanan ərzaq məhsulları bir gün əvvəldən siçanlara dadızdırılacaq.

Zəhərli ərzaq aşkar edilərsə, dərhal mühafizə tədbirləri görüləcək.

Bundan əlavə, mətbəxlər 24 saat ərzində mühafizə ediləcək. Ərzaq nəqliyyatı qlobal peyk mövqe sistemilə həyata keçiriləcək.

Təşkilat komitəsinin üzvü Jen Saojen deyib ki, yeməklər əsasən qərb xörəklərindən ibarət olacaq. Lakin Çin mətbəxinin nümunələri də təqdim olunacaq.

Pekindəki müxbirimiz deyir ki, mükəmməl Olimpiya oyunlarının baş tutması üçün çinlilər bütün tədbirləri görməyə hazırdırlar.

BBC müxbiri Kventin Somervile deyir ki, küçələrdən evsiz itlər və pişiklər yığışdırılacaq.
Yağış buludlarını qovmaq üçün toplardan, kiçik təyyarərlədən və raketlərdən istifadə olunacaq.